HR-Talent Exchange është një komunitet “Think Tank” për profesionistët e Burimeve Njerëzore dhe Menaxhimit të Talenteve në Shqipëri, Kosovë dhe Maqedoni të Veriut, ku ndahen praktikat më të mira, krijohen lidhje profesionale dhe zhvillohen ide inovative në fushën e HR-së.
Pasi të kemi marrë të dhënat tuaja, jeni në rrugën për t’u bashkuar me qindra profesionistë të tjerë.
Përfshirja ndodh brenda 24 orëve, do ju dërgojmë një ftesë me email për te hyre në platformë.
Kontrollo dosjet Spam/Junk, ose kerko “Slack” ne email. Ftesa do jetë fshehur në një nga dosjet e emailit.
Për të siguruar një mjedis të sigurt dhe mikpritës, ju lutemi që të gjithë anëtarët e komunitetit të ndjekin dhe të respektojnë udhëzimet që i kemi listuar më poshtë. Mos u shqetësoni, rregullat janë të thjeshta dhe të qarta. Politika jonë është përfundimtare, çdo shkelje do të shqyrtohet dhe mund të çojë në përjashtimin nga komuniteti HR-Talent Exchange.
SHËNIM: HR-Talent Exchange NUK është një komunitet për këshilla ligjore dhe për disa tema të caktuara (çështje të ngacmimit në punë, përputhshmëri, etj.), anëtarët e komunitetit nuk japin këshilla ligjore dhe nuk duhet të konsiderohen përgjegjës për ato këshilla.
Gjithmonë ofroni mbështetje dhe ndihmë për të tjerët. Flisni me të tjerët ashtu si do të dëshironit që ata të flisnin me ju. Krijoni një ambient sa më të hapur dhe gjithëpërfshirës.
Jini të sjellshëm. Mos postoni asgjë që një person i arsyeshëm mund ta konsideronte fyes, abuziv, ose me gjuhë urrejtjeje. Ruani profesionalizmin. Shmangni postimet e papërshtatshme, të pahijshme ose me përmbajtje seksuale.
Nuk lejohet aktivitete shitje, marketing ose krijimi kontakteve për gjenerimin e klientëve! HR-Talent Exchange është krijuar për individë dhe profesionistë të fushës së burimeve njerëzore, jo për kompani, dhe qëllimi i këtij komuniteti është edukimi dhe mbështetja. Nuk lejohet shitje në asnjë kanal publik, privat ose në mesazhe direkte.
Ky rregull përfshin (por nuk kufizohet vetëm në):
- Promovimi i produkteve, shërbimeve, kompanive, konsulencës ose rekrutimit të anëtarëve është i ndaluar, përveçse nëpërmjet reklamave të pozicioneve që janë në fushën e HR-së dhe partneriteteve apo sponsorizimeve të miratuara nga HR-Talent Exchange.
- Shtyrjen e anketimeve për kërkime produkti ose përmbajtjeje.
- Ofrimin e “materialeve falas” që kërkojnë regjistrimin e të dhënave personale.
- Shmangni përdorimin e platformës për aktivitete marketingu të pa kërkuara.
HR-Talent Exchange është një hapësirë e sigurt për profesionistët dhe liderët e HR-së për të bërë pyetje dhe ndarë pikëpamjet e tyre. Këto biseda duhet të mbeten brenda kufijve të komunitetit; ju lutemi të mos i ndani jashta platformës.
Cilësia dhe vlera e këtij komuniteti varet nga angazhimi juaj:
- Bëni pyetje
- Jepni përgjigje
- Merrni pjesë në diskutime
- Mbani bisedat në kanalin e duhur
- Rregulli më i mirë është të postoni një mesazh në një kanal — shmangni dublikimin e postimeve në kanale të ndryshme për më shumë dukshmëri (për mirëqenien e të gjithëve)!
Ju inkurajojmë të kontribuoni aktivisht në udhëheqjen e bisedave! Ky komunitet është një mundësi për të bashkëbiseduar me profesionistë të tjerë që po përballen me sfida të ngjashme — mendoni për të si një vend për të ndarë strategji, për të bërë pyetje, për të shpërndarë njohuri dhe për të ofruar mbështetje.
Përpara se të filloni të angazhoheni me komunitetin, ju lutem ndiqni këto hapa të thjeshtë për t’u siguruar që filloni mbarë në HR-Talent Exchange.
Plotësoni profilin tuaj në Slack! Na tregoni ku punoni dhe cili është roli juaj. Për shembull, mund të shtoni emrin e kompanisë suaj pranë emrit, si: “Scott (talent.al)”.
Gjithashtu, mos harroni të vendosni një foto në profilin tuaj! 😊
Prezanto veten në kanalin #prezantohuni! Pas regjistrimit automatik, ju ftojmë të bëni postimin tuaj të parë aty, që komuniteti t’ju bëjë një “mirëseardhje” epike 👋 (dhe mund të ketë edhe ndonjë emoji).
Përshtatni njoftimet 🔔 në Slack sipas preferencave tuaja. Mos harroni, ju mund të dilni ose të bashkoheni në çdo kanal që dëshironi!
Kemi një sërë kanalesh ku mund të bashkoheni. Disa prej tyre janë të kuruara posaçërisht (dhe do të shtoheni automatikisht në disa kanale kur të bashkoheni për herë të parë). Për listën e plotë, duhet të jeni pjesë e grupit tonë në Slack!
Gjithashtu kemi dhe kanale rajonale dhe lokale, ku mund të lidheni me profesionistë të HR-së në zonën tuaj. Për t’i gjetur, mjafton të shikoni në seksionin “Channels” në menunë anësore!
Po planifikojmë të organizojmë evente dhe takime për komunitetin HR-Talent Exchange, duke ju ofruar mundësinë të takoni personalisht ata me të cilët keni komunikuar online. Nëse keni dëshirë të organizoni një takim në rajonin tuaj, na kontaktoni — të gjitha takimet do të publikohen në kanalin përkatës të vendndodhjes.
💡 Këshillë praktike: Këto kanale janë gjithashtu shumë të dobishme nëse keni udhëtime të planifikuara në të ardhmen!
